பிரியங்கா மோகன், பார்க் ஹை ஜின், நோ ஹோ ஜின், ரிஷிகாந்த், ஜாங் ஜெயோன் மற்றும் பலர் நடித்திருக்கும் படம்தான் ‘மேட் இன் கொரியா’ இப்படத்தை ரா. கார்த்திக் இயக்கியுள்ளார்.ஹேஷம் அப்துல் வஹாப் இசையமைத்துள்ளார்.ரைஸ் ஈஸ்ட் என்டர்டைன்மென்ட் சார்பில் ஸ்ரீநிதி சாகர் தயாரித்துள்ளார்.
தமிழகத்தின் ஒரு மலைப்பாங்கான இடத்தில் ஒரு சிறியகிராமத்தில் வசிக்கும் நாயகி பிரியங்கா மோகனுக்கு, தென் கொரிய கலாச்சாரம் மற்றும் கலைகளின் மீது சிறு வயதிலிருந்தே மிகுந்த ஆர்வம் உள்ளவராக இருக்கிறார். ஆனால் சாதாரண வாழ்க்கையில் இருந்தாலும், அவரது மனதில் பெரிய கனவு ஒன்று இருக்கிறது. என்றாவது ஒருநாள் கொரியா சென்று வாழ வேண்டும் என்பதுதான் அது. இதற்கிடையில், அதே கிராமத்தைச் சேர்ந்த ரிஷிகாந்தை காதலித்து வருகிறார் பிரியங்கா. தனது ஏழ்மையை காரணம் காட்டி, பிரியங்காவின் வீட்டிற்கு சென்று பெண் கேட்காமல் தொடர்ந்து காலம் தாழ்த்தி வருகிறார் ரிஷிகாந்த். ஆனால் அந்த காதலை பெற்றோர் ஏற்க மறுப்பதால், காதலனுடன் சேர்ந்து ஊரை விட்டு வெளியேறுகிறார். ஆனால் அவரது வாழ்க்கைச் சூழலில் எதுவும் நடக்காமல் போனதால், திடீரென அவருக்கு கொரியா செல்லும் சூழல் ஏற்படுகிறது. .மகிழ்ச்சியுடன் செல்லவேண்டிய அந்த நாட்டுக்கு துயரத்துடன் செல்லவேண்டிய நிலை.ஏற்பட்டு எதிர்பாராதவிதமாக கொரியாவின் தலைநகரான சியோல் (Seoul) நகரத்திற்குச் செல்கிறார். அங்கு மொழி தெரியாமல் தான் பயணிக்க ஆசைப்பட்ட நாட்டில் இருந்தாலும், புரியாத மொழி, அறியாத மக்கள் என அச்சத்தில் கலங்கி நிற்கும் பிரியங்கா மோகனின் வாழ்க்கையில் கொரியா எத்தகைய மாற்றங்களை ஏற்படுத்துகிறது…என்பதுதான் ‘மேட் இன் கொரியா’ படத்தின் மீதிக் கதை.
கதையின் நாயகியாக நடித்திருக்கும் பிரியங்கா வசீகரமான முகம் உணர்ச்சிகளை வெளிப்படுத்தும் நடிப்பு என்று அந்தப் பாத்திரத்தில் சரியாகப் பொருந்தி அமர்ந்து கொள்கிறார்.படத்தின் கதை அவரைச் சுற்றியே நடப்பதால் பிரதான நாயகியாக அவரே படத்தைத் தோளில் சுமந்துள்ளார். காதல், மகிழ்ச்சி, வேதனை, பாசம், பிரிவு, அவமானம், ஏமாற்றம், நம்பிக்கை எனப் பல்வேறு நடிப்புத் தருணங்களில் ஸ்கோர் செய்கிறார். பல காட்சிகளில் தனது நடிப்பால் படம் பார்ப்பவர்கள் அனைவரையும் கட்டிப் போட்டிருக்கிறார்.
பிரியங்காவின் காதலராக நடித்திருக்கும் ரிஷிகாந்த்,அதற்குப் பொருத்தமாக இருக்கவேண்டுமென மெனக்கெட்டிருக்கிறார்.
பார்க் ஹே-ஜின், நோஹூ ஜின், ஜாங் ஜேஹியான் உள்ளிட்ட கொரிய நடிகர், நடிகைகளும் மிக இயல்பாக நடித்து கதையுடன் நம்மைப் பயணிக்க வைத்திருக்கிறார்கள்.
ஒளிப்பதிவாளர் பிரசன்னகுமாருக்கு, கொரியாவில் படப்பிடிப்பு நடத்தும் நல்வாய்ப்பு.அதைச் சரியாகப் பயன்படுத்தி சிறந்த காட்சியனுபவங்களைக் கொடுத்திருக்கிறார்.
ஷேகாம் அப்துல் வகாப் இசையமைத்திருக்கிறார்.நாயகியின் பல்வேறு மன உணர்வுகளை இசையால் மொழிபெயர்த்து திரைக்கதைக்கு வலுச் சேர்த்திருக்கிறார்.
கொரியன் உணவு, இந்திய பாரம்பரிய உணவு என இரண்டு கலாச்சாரமும் ஒன்றாக சேரும் இடம் என கொரியாவில் சென்று படம் எடுத்தாலும் தமிழ் ரசிகர்களை படத்தோடு ஒன்ற வைக்கும் காட்சிகள் நிறையவே இருக்கின்றன. ஒரு பெண் கொரிய மொழி தெரியாமல், அந்த நாட்டில் தனியாக வாழ வேண்டிய சூழ்நிலைக்கு தள்ளப்படும் ஒரு பெண்ணின் அனுபவங்களையும், உணர்ச்சியும் நகைச்சுவையும் கலந்த முறையில் சொல்லியிருக்கிறார் இயக்குநர் ரா.கார்த்திக். ஆனால் அன்பு என்பதற்கு மொழி எல்லைகளோ பிரதேச எல்லைகளோ கிடையாது என்ற மெல்லுணர்வுகளை வெளிப்படுத்தும் கதாபாத்திரங்களைக் கொண்டு இந்த படத்தை உருவாக்கி அனைவரும் ரசிக்கும்படி இயக்கி இருக்கிறார்.
மொத்தத்தில், ‘மேட் இன் கொரியா’ அனைவரும் பார்க்க வேண்டிய படம்.
ரேட்டிங் 3/5.