விஜய் ஆண்டனி நடிக்கும் ‘அப்பா குட்டி’ படத்தின் இறுதிக்கட்ட பணிகள் தீவிரமாக நடைபெறுகிரது!

சென்னை:

தமிழ் சினிமாவில் எப்போதும் வித்தியாசமான கதைகளையும், மனதை தொடும் கதாபாத்திரங்களையும் தேர்வு செய்து ரசிகர்களிடம் தனி இடம் பிடித்தவர் . அந்த வரிசையில் தற்போது மிகுந்த எதிர்பார்ப்பை ஏற்படுத்தியுள்ள படம் தான் ‘அப்பா குட்டி’. குடும்ப உணர்வுகளையும், பரபரப்பான ஆக்ஷனையும் இணைத்து உருவாகும் இந்தப் படம் தற்போது இறுதிக்கட்ட பின்னணி பணிகளில் பிஸியாக இயங்கி வருகிறது.

இயக்கத்தில் உருவாகும் இந்த திரைப்படம், ஒரு தந்தை மற்றும் மகளுக்கிடையேயான பாசம், பாதுகாப்பு, போராட்டம் ஆகியவற்றை மையமாகக் கொண்டு உருவாகியுள்ளது. வெறும் குடும்ப கதையாக அல்லாமல், அதில் அதிரடி, உணர்ச்சி, சமூக நிழல்கள் ஆகியவற்றையும் கலந்துக் கொண்டு திரைக்கதை அமைக்கப்பட்டுள்ளதாக கூறப்படுகிறது.

படப்பிடிப்பு முழுமையாக நிறைவடைந்த நிலையில், தற்போது எடிட்டிங், ஒலி வடிவமைப்பு, பின்னணி இசை உள்ளிட்ட Post Production பணிகள் முழு வேகத்தில் நடைபெற்று வருகின்றன. வரும் ஆகஸ்ட் மாதம் இந்தப் படத்தை திரையரங்குகளில் வெளியிட படக்குழு தீவிரமாகத் திட்டமிட்டு வருகிறது.

இந்தப் படத்தில் விஜய் ஆண்டனி மிகவும் உணர்ச்சி ஆழம் கொண்ட கதாபாத்திரத்தில் நடித்துள்ளதாக தகவல் வெளியாகியுள்ளது. குறிப்பாக, தந்தை – மகள் உறவை மையமாகக் கொண்ட காட்சிகள் ரசிகர்களின் மனதை நெகிழச் செய்யும் என படக்குழு நம்பிக்கை தெரிவித்துள்ளது. அதே நேரத்தில், ஆக்ஷன் ரசிகர்களுக்காக பல மாஸ் அம்சங்களும் படத்தில் இடம்பெற்றுள்ளன.

நாயகியாக நடித்துள்ள இப்படத்தில் லிதான்யா, பகவதி பெருமாள், ஹரிபிரியா, இசையருவி மதன், சித்ரா லக்ஷ்மணன், ஸ்ரீஜா ரவி, வேட்டை முத்துக்குமார், ஜென்சன் தீவாகர், முருகானந்தம், மூணார் ரமேஷ் உள்ளிட்ட பலரும் முக்கிய கதாபாத்திரங்களில் நடித்துள்ளனர்.

இப்படத்திற்கு ஒளிப்பதிவை ராஜீவ் ராஜேந்திரன் மேற்கொண்டுள்ள நிலையில், இசை மற்றும் எடிட்டிங்கை விஜய் ஆண்டனி தானே கவனித்துள்ளார். சண்டைக் காட்சிகளை ராஜசேகர் வடிவமைத்துள்ளார். குடும்ப ரசிகர்களும், ஆக்ஷன் ரசிகர்களும் ஒருசேர ரசிக்கும் வகையில் ‘அப்பா குட்டி’ உருவாகி வருவதாக திரையுலக வட்டாரங்களில் பேசப்படுகிறது.

உணர்ச்சி, அதிரடி, குடும்ப பாசம், தரமான இசை, திரைக்கதை என அனைத்து அம்சங்களும் இணைந்துள்ளதால், ‘அப்பா குட்டி’ இந்த ஆண்டின் முக்கிய குடும்ப ஆக்ஷன் திரைப்படங்களில் ஒன்றாக இருக்கும் என்ற எதிர்பார்ப்பு ரசிகர்களிடையே உருவாகியுள்ளது.