மண்ணின் வாசனையையும், பாரம்பரிய விளையாட்டின் வீரியத்தையும் திரையில் கொண்டு வர தயாராகியுள்ளது ‘ஜாக்கி’ திரைப்படம்!

CHENNAI:

பிகே7 ஸ்டுடியோஸ் தயாரிப்பில், டாக்டர் பிரகபல் இயக்கத்தில் உருவாகியுள்ள இந்தப் படத்தின் டீசர் சமீபத்தில் பிரம்மாண்டமாக வெளியிடப்பட்டது.

மழைக்காடுகளில் நடைபெறும் மட் ரேஸ் பந்தயத்தை மையமாகக் கொண்டு உருவான ‘மட்டி’ திரைப்படத்தின் மூலம் தனித்துவமான முயற்சியை பதிவு செய்த டாக்டர் பிரகபல், இந்த முறை மதுரையின் பாரம்பரிய கலாச்சார விளையாட்டான ‘கெடா சண்டை’யை கதைக்கருவாக கொண்டு ‘ஜாக்கி’யை உருவாக்கியுள்ளார். மண் மணத்தோடும், மண்ணின் மைந்தர்களின் வாழ்வியலோடும் படம் வடிவமைக்கப்பட்டுள்ளது.

இயக்குநரின் முந்தைய படமான ‘மட்டி’யில் நடித்த யுவான் கிருஷ்ணா மற்றும் ரிதான் கிருஷ்ணாஸ் இந்தப் படத்திலும் கதாநாயகர்களாக இணைந்துள்ளனர். அவர்களுக்கு ஜோடியாக அம்மு அபிராமி கதாநாயகியாக நடித்துள்ளார். மேலும் பல திரைப் பிரபலங்கள் முக்கிய வேடங்களில் தோன்றுகின்றனர்.

‘ஜாக்கி’ திரைப்படத்தின் விறுவிறுப்பான டீசர், சென்னை முகப்பேர் கிழக்கு வேலம்மாள் மேல்நிலைப் பள்ளியில் நடைபெற்ற 13-ஆவது ஆண்டு வீதி விருது விழாவில், ஜனவரி 3-ஆம் தேதி மாலை வெளியிடப்பட்டது. டீசர் திரையிடப்பட்டதும், ரசிகர்கள் மற்றும் பார்வையாளர்கள் படக்குழுவினருக்கு வாழ்த்துகளை தெரிவித்தனர்.

சக்தி பாலாஜி இசையமைப்பில், உதயகுமார் ஒளிப்பதிவில், ஸ்ரீகாந்த் படத்தொகுப்பில் உருவாகியுள்ள ‘ஜாக்கி’ திரைப்படத்திற்கு ஆர்.பி. பாலா கிரியேட்டிவ் ப்ரொடியூசராக பணியாற்றியுள்ளார்.
புரொடக்ஷன் கன்ட்ரோலர்: எஸ். சிவகுமார்,
கலை இயக்குநர்: சி. உதயக்குமார்,
ஆடியோகிராபி: எம்.ஆர். ராஜாகிருஷ்ணன்,
சண்டை பயிற்சி: ஜாக்கி பிரபு,
உடைகள்: ஜோசுவா மேக்ஸ்வெல் ஜே,
ஒப்பனை: பாண்டியராஜன்,
கலரிஸ்ட்: ரங்கா.
பாரம்பரியமும், வீரமும் கலந்த கதையுடன் உருவாகியுள்ள ‘ஜாக்கி’ திரைப்படம் விரைவில் திரையரங்குகளில் வெளியாக உள்ளது.