’வில்’ (உயில்) திரைப்பட விமர்சனம்!

உதவி ஆய்வாளர் கதாபாத்திரத்தில் நடித்திருக்கும் விக்ராந்த், சிறப்பு தோற்றம் போல் வந்தாலும், உயிலில் எழுதப்பட்ட உண்மை வாரிசு யார் என்பதை கண்டறிவதற்கு அவர் மேற்கொள்ளும் முயற்சி படம் முழுவதும் பயணித்து  துடிப்பான ஒருவராக  தனது கதாபாத்திரத்திற்கும், திரைக்கதைக்கும் பெரிய அளவில் பலம் சேர்த்திருக்கிறார்.

ஷ்ரத்தா கதாபாத்திரத்தில் நடித்திருக்கும் அலக்கியா தந்தையின் அன்பு மகளாக காண்பிக்கப்பட்டு, பின்னர் தந்தையை காப்பாற்ற பணத்திற்காக சூழ்நிலை காரணமாக ஒருவரிடம் மாட்டிக் கொண்டு  தவிக்கும் காட்சிகளிலும் தனது அளவான நடிப்பு மூலம் பலம் சேர்த்து படம் பார்க்கும் அனைவரையும் கண் கலங்க வைத்திருக்கிறார்.

பெரிய தொழிலதிபரான  பதம் வேணுகோபால் சில காட்சிகளில் வந்தாலும் கதைக்கு ஏற்றவாறு  அழுத்தமான நடிப்பை வெளிப்படுத்தி இருக்கிறார்.

செளரப் அகர்வால் இசையில் பாடல்கள் கேட்கும் ரகம்தான் என்றாலும், இந்த கதைக்கு ஏற்ப பயணித்து படத்திற்கு பலம் சேர்த்திருக்கிறது.

நீதிமன்ற காட்சிகளை எதார்த்தமாக படமாக்கியிருக்கும் ஒளிப்பதிவாளர் டி.எஸ்.பிரசன்னாவின் வண்ணமயமான ஒளிப்பதிவு ரசிக்க முடிகிறது.

உயில் தொடர்பான சட்ட நுணுக்கமான உண்மை கதையை பின்னணியாக வைத்து இப்படத்தை இயக்கியிருக்கிறார் எஸ் .சிவராமன். பரபரவென சென்ற முதல் பாதி , சட்டென இரண்டாம் பாதியில்.வேகம் குறைந்து,  கருக்கலைப்பு, குழந்தையில்லாமல் பெற்றோர்கள் படும் இன்னல்கள், ஒரு பணக்காரரின் உயில் என்று பலதரப்பட்ட பிரச்சனைகளை கையிலெடுத்து வேறு கோணத்தில் கதையை எடுத்து செல்லும்போது, இப்படத்தை சற்று தொய்வடைய செய்கிறது.

மொத்தத்தில், ‘வில்’  படம் சட்டத்தின் கையில்.

ரேட்டிங் 3/5.

RADHAPANDIAN.