கண்ணப்பா திரை விமர்சனம்
முகேஷ் குமார் சிங் இயக்கத்தில் விஷ்ணு மஞ்சு, மோகன் பாபு, ப்ரீத்தி முகுந்தன், சரத்குமார், அக்ஷய் குமார், மோகன்லால், பிரபாஸ் காஜல் அகர்வால் மற்றும் பலர் நடித்து வெளியாகியுள்ள படம் கண்ணப்பா
கதை
வாயு லிங்கத்தை மற்றவர்கள் யாரும் பார்த்திடாத அளவுக்கு தான் மட்டுமே அந்த சிவலிங்கத்துக்கு பூஜை செய்ய வேண்டும் என மகாதேவ சாஸ்திரிகள் (மோகன் பாபு) வழிபாடு நடத்தி வருகிறார். சிறு வயதில் காளி தேவிக்கு தனது நண்பனை நரபலி கொடுப்பதை பார்த்து கடவுள் மீதே கடுப்பாகும் திண்ணன் சாமியே இல்லை என நாத்திகனாக வளர அவன் எப்படி சிவனுக்காக தனது கண்களையே தானமாக வழங்கி கண்ணப்பர் ஆகிறார் என்பது தான் கண்ணப்பா படத்தின் கதை.
அறிமுக காட்சியிலேயே, கழுகு ஒரு குழந்தையை தூக்கிச் செல்ல திண்ணனாக ஹீரோ விஷ்ணு மஞ்சுவின் இன்ட்ரோ சிறப்பாகவே உள்ளது. விஷாணுமஞ்சு நடிப்பில் கண்ணப்பராகவே வாழ்ந்திருக்கிறார்.
சிவனை வழிபடும் நெமலியாக ப்ரீத்தி முகுந்தன் கவர்ச்சியிலும் நடிப்பிலும் குறை வைக்காமல் நன்றாக நடித்துள்ளார். சரத்குமார், மோகன்லால், பிரபாஸ், அக்ஷய்குமார், காஜல் அகர்வால், பிரேமாநந்தா, சம்பத்ராம் ஏன பெரிய நட்சத்திர பட்டாளங்கள். அனைவரும் அவரவர் கதாபாத்திரம் உணர்ந்து சிறப்பாக நடித்துள்ளனர்.
கண்ணப்பாவின் கதையை இந்தளவுக்கு மெனக்கெட்டு பெரிய பட்ஜெட்டில் பல முன்னணி நடிகர்களை கேமியோக்களாக நடிக்க வைத்து எடுத்தது மிகவும் பாராட்டவேண்டும்.
மணிசர்மா, ஸ்டீவன் தேவசியின் இசை படத்துக்கு பலம் சேர்த்திருக்கிறது. ஒளிப்பதிவு படத்திற்கு பெரிய பலம்.
சாதி மத பேதம், தீண்ட தகாதவர்கள் என்று சொல்பவர்களும் அன்னையின் புனிதமான கருவறையில் இருந்து பிறந்தவர்கள் தானே என விஷ்ணு மஞ்சு வசனம் பேசும் இடமெல்லாம் அப்ளாஸ் அள்ளுகிறது. படத்தை எதை எதிர்பார்த்து ரசிகர்கள் வந்தார்களோ, அது முழுக்க முழுக்க 2 ஆவது பாதியில் பூர்த்தி செய்திருக்கிறார்கள்.
படத்தின் முதல் பாதியை சுவாராஸ்யமாக சொல்ல இன்னமும் கொஞ்சம் இயக்குநர் எழுத்தில் கவனம் செலுத்தி காட்சிகளை சுவாரஸ்யப்படுத்தியிருந்தால், ஆரம்பத்தில் உள்ள குறைகளும் இல்லாமல் பெரிய பிளாக்பஸ்டர் படமாகவே கண்ணப்பா இருந்திருக்கும். ஆனால், 2ஆம் பாதியில் படத்திற்கு போட்டுள்ள உழைப்பு கிளைமேக்ஸ் வரை கொஞ்சமும் குறையாமல் விறுவிறுப்பாக சோல்லியிருக்கிறார் இயக்குநர்.
ஒட்டுமொத்த குழுவிற்கும் அச்சாரம் சார்பாக வாழ்த்துக்கள்.
மதப்பெண் 3.5/5