’ஹவுஸ் மேட்ஸ்’ திரைப்பட விமர்சனம்!

சென்னை:

சிவகார்த்திகேயன் தயாரித்து, தர்ஷன், காளி வெங்கட், அர்ஷா சாந்தினி பைஜூ , வினோதினி , தீனா, அப்துல் லீ , மாஸ்டர் ஹென்ரிக் ம்றறும் பலர் நடித்திருக்கும் படம்தான் “ஹவுஸ்மேட்ஸ்”.

ஒரு காதல் கதையை திகில் மற்றும் மர்மம் கலந்த முறையில் ஒரு விசித்திரமான அறிவியலை  மையப்படுத்தி சொல்லும் முயற்சியாக இப்படத்தை உருவாக்கி இயக்கி இருக்கிறார்  T. ராஜவேல்.

இப்படத்தின் கதையைப் பொருத்தவரையில்,

நடிகர் தர்ஷன் தனது காதலி, அர்ஷா சாந்தினி பைஜூ சொல்லுக்கு கட்டுப்பட்டு அவரை திருமணம் செய்து கொள்வதற்காக சொந்தமாக அடுக்குமாடி குடியிருப்பில் வீடு ஒன்றை வாங்குகிறார். அந்த வீட்டை வாங்கியதும் தன் காதலியிடம் சொல்லி திருமணம் செய்து கொள்ள விருப்பப்படுகிறார் இந்நிலையில் காதலி அர்ஷா சாந்தினி பைஜூவின் தந்தை இந்த திருமணத்துக்கு ஒப்புக்கொள்ளாததால்,  தனது காதலியை அழைத்துக் கொண்டு ரிஜிஸ்டர் அலுவலகத்திற்கு சென்று திருமணம் செய்து கொள்கிறார் பிறகு தான் வாங்கி இருக்கும் அடுக்கு மாடி வீட்டிற்கு சென்று அங்கு  குடியேறுக்கிறார் தர்ஷன்.  ஆரம்பத்தில் இவர்களது வாழ்க்கை மிகவும் சந்தோஷமாக செல்கிறது. இந்த சூழ்நிலையில் தர்ஷன் வாங்கி இருக்கும் வீட்டில் சில அமானுஷ்ய சம்பவங்கள் நடைபெறுகிறது இது குறித்து தனது காதல் கணவன் தர்ஷனிடம், காதலி அர்ஷா சாந்தினி பைஜூ ஏதோ ஒரு மர்மமான முறையில் சில அமானுஷ்ய சம்பவங்கள் இந்த வீட்டில் நடக்கிறது என்று கூறுகிறார். அங்கு நடக்கும் சில அமானுஷ்ய சம்பவத்தை பற்றி ஹர்ஷா கூறும் போது முதலில் அதை நம்ப மறுக்கிறார் தர்ஷன்.

அதன் பிறகு ஒரு நாள் தர்ஷன் வீட்டில் இருக்கும்போது சில மர்மமான சம்பவங்கள் நடக்கிறது. இதை தன் கண்ணால் பார்த்த தர்ஷன் ஒன்றும் புரியாமல் தவிக்கிறார்.  இந்த சமயத்தில் காளி வெங்கட் மற்றும் அவரது மனைவி வினோதினி அவர்களது மகன்‌ ஆகியோர் வசிக்கும் வீட்டிலும் இதே போல் அமானுஷ்ய சம்பவங்கள் நடக்கிறது. அதனால் இருவரது குடும்பத்திலும் ஏதோ பேய் சம்பந்தப்பட்ட அமானுஷ்ய சம்பவங்கள் நடக்கிறது என்று கூறினாலும் அது அறிவியல் சம்பந்தப்பட்ட விஷயம் என்பதை இரு குடும்பத்தாரும் புரிந்து கொள்கிறார்கள். இதனால்  இந்த இரு குடும்பத்தாரும் பலவித சிக்கல்களை எதிர்கொள்கிறார்கள். இரு குடும்பமும் ஒரே வீட்டில் வசிக்கிறார்கள் என்றாலும் ஒரு குடும்பம் 2012 ஆம் வருடத்திலும், தர்ஷனின் குடும்பம் 2022 ஆம் வருடத்திலும் வாழ்ந்து வருகின்றனர். இது எப்படி சாத்தியம் என்பதற்கு அறிவியல் பூர்வமாக நடப்பதை கண்டு அதிர்ச்சியடைந்த இரு குடும்பத்தாரும் அந்த சிக்கல்களில் இருந்து தப்பித்தார்களா? இல்லையா? என்பதுதான் ‘ஹவுஸ்மேட்ஸ்’ படத்தில் மீதி கதை.

கதையின் நாயகனாக நடித்திருக்கும் தர்ஷன், மிக சிறந்த முறையில் தனது நடிப்பு ம்ற்றும் கதாபாத்திரத்தை உணர்ந்து செயல்பட்டிருக்கிறார்.

கதையின் நாயகியான அர்ஷா சாந்தினி பைஜூ பல காட்சிகளில் அழகாக காட்சியளித்தாலும் தனக்கு கொடுக்கப்பட்ட கதாபாத்திரத்தின் தன்மைக்கு ஏற்றவாறு மிக சிறப்பாக நடிப்பில் அசத்தியிருக்கிறார்.

இதில் இன்னொரு கதாநாயகனாக நடித்திருக்கும் காளி வெங்கட்டின் நடிப்பு இறுதிக் கட்ட காட்சியில் அனைவரின் கண்களையும் கலங்க வைத்து விடுகிறார். அவரது மனைவியாக நடித்திருக்கும் வினோதினியும் தனது பங்கினை அழகாகவே செய்து முடித்திருக்கிறார்.

தீனா, அப்துல் லீ, மாஸ்டர் ஹென்ரிக் என மற்ற கதாபாத்திரங்களில் நடித்திருப்பவர்கள் கதையின் தன்மைக்கு ஏற்றவாறு பலம் சேர்க்கும் விதத்தில் சிறப்பாக பயணித்திருக்கிறார்கள்.

இசையமைப்பாளர் ராஜேஷ் முருகேசனின் இசையில் பாடல்கள் சுமார் ரகம் என்றாலும் , பின்னணி இசை கதைக்கு ஏற்றவாறு நேர்த்தியாக பயணித்திருக்கிறது.

ஒளிப்பதிவாளர் எம். எஸ். சதீஷின் கேமரா மூலம் வெவ்வேறு வடிவங்களாக காட்சிப்படுத்தி அசத்தியிருக்கிறார்.

கதை எழுதி இயக்கியிருக்கிறார் டி.ராஜவேல், புதிய கதைக்களம் என்றாலும், அதை அறிவியல் கலந்த முறையில்  திகில் ஏற்படுத்தும் விதத்தில் இப்படத்தை இயக்கி இருப்பது படம் பார்ப்பவர்களை வியக்க வைத்தாலும் அதில் சில குழப்பங்கள் இருந்தாலும், தனது முதல் படத்தை புதிய முயற்சியாகவும், சவால் மிகுந்ததாகவும் எடுத்திருப்பதை பாராட்டலாம்.

மொத்தத்தில், ‘ஹவுஸ் மேட்ஸ்’  கண்டிப்பாக ரசிக்க வேண்டிய படம்.

ரேட்டிங் 3/5.

RADHAPANDIAN.